Transcription
1
Monsieur, jay resu la vostre quil vous a plu
2
mescripre du IIII de ce mois. A ce que me mandés,
3
il ne peut plus guères tarder que ie ne voie
4
isy mesieurs d’Evènes et de Laval, qui me
5
sera un grand contantemant ; ie mesbaïs que
6
n’aiés reseu letres du mestre de mon nepveu
7
qui et isy, car il ma dit vous avoir escript.
8
Mon dit nepveu et an bonne santé et
9
ça compaignie, vray que ie crois quil nont
10
ancores beaucoup profité à l’estude et nont
11
fait election du colège où il doivent aler. Il
12
me samble que ce sera bien tost. Je nay
13
anquores auqune résolusion du fait de
14
Dieppe. Monsieur lamiral demeure tousiours
15
an une volonté pour moy, m[a]is il ne la peut
16
efectuer comme il voudroit bien. Monsieur de
17
Momoransy poursuivoit pour un autre, néanmoins
18
quil meut promis destre pour moy. Cest iver
19
pasé, ie luy avay parllé et de rechef ma promis
20
de fère pour moy et que ce quil an avoit fait
21
estoit cas amenant que ie n’y peuse estre prouveu.
22
Il an faut prandre ce quon peut dune mauvèse
23
paie. Jay grande anvie dy voir une fin qui et
24
landroit où ie prieray Dieu qu’il vous doit
25
Monsieur, en santé, bonne vie et longue, me
26
recommandant très humblement à vostre bonne grâce, de
27
madame de Gordes et le sur plus de vostre
28
compaignie. A Paris, le XX juillet 1572
29
Votre très humble et très obéissant
30
frère à iamais
31
de Simiane